ARDO - hágæða frosið grænmeti, kryddjurtir og ávextir
mánudagur 16. jan. 2023 kl. 08.58
Við hjá Garra erum ótrúlega stolt af áratuga samstarfi okkar við Ardo. Með því samstarfi hóf Garri innflutning á frosnu grænmeti og ávöxtum sem var á þeim tíma nýjung á íslenskum markaði.
Ardo er fjölskyldufyrirtæki sem framleiðir hágæða frosið grænmeti, kryddjurtir og ávexti. Fyrirtækið er stöðugt að skoða leiðir til að vernda og varðveita dýrmætar gjafir náttúrunnar og breyta þeim í ljúffeng matvæli. Hjá Ardo er gríðarlegur metnaður fyrir því að vera leiðandi í að kanna og kynna sjálfbærar framleiðsluaðferðir í landbúnaði og frystingu matvæla úr jurtaríkinu. Áhersla er lögð á að lágmarka matarsóun og áhrif á umhverfið.
Ardo leitast eftir stöðugum umbótum í öllu sínu starfi og starfsfólk vinnur saman sem eitt teymi með það sameiginlega markmið að gera Ardo enn betra.
Þjónusta við viðskiptavini og þarfir þeirra er leiðandi í öllu starfi ARDO og miðast þeirra skipulag að því að skila lausnum sem hentar hverjum viðskiptavini fyrir sig. Hjá Ardo er stöðug vöruþróun til að bregðast við þörfum og þróun markaðarins, þess vegna leitast Ardo eftir langtíma samstarfi við viðskiptavini sem hafa sömu gildi.
Gæði eru hornsteinn fyrirtækjastefnu Ardo en markmið þeirra er að útvega viðskiptavinum vörur sem uppfylla ströngustu öryggis- og gæðastaðla. Framleiðslustöðvar Ardo eru vottaðar í samræmi við alþjóðlega viðurkennda staðla (BRC/IFS) og uppfylla einnig stranga matvælaöryggis- og HACCP staðla.
„GARRI er dásamlegt dæmi um langtíma stefnumótandi samstarf, opið og einfalt. Samstarf okkar við Magnús og samstarfsfólk hans hefur farið vaxandi í gegnum árin, þá sérstaklega í miðlun upplýsinga og þekkingar sem er mikilvægt í stöðugri vöruþróun Ardo. Við hjá Ardo óskum Garra til hamingju með árin fimmtíu.“ Preben Gejl.
Uppskriftarbæklingur frá Ardo demo í Garra þann 2.nóvember
Fleiri Fréttir
Umhverfisskýrsla Garra 2020
14. júl 2021
Frá því að Garri hóf að mæla kolefnispor félagsins árið 2015 hefur umtalsverður árangur náðst í umhverfismálum.
Garri vinnur markvisst að því að lágmarka neikvæð umhverfisáhrif félagsins með hagkvæmni í rekstri, endurnýtingu og endurvinnslu.
Gríðarlegur árangur hefur náðst eftir að Garri flutti Hádegismóa í lok árs 2017, en nýtt húsnæði, vélar og tæki í Garra nýta sér orkusparandi lausnir.
Þær lausnir hafa gert Garra kleift að reka mun stærra húsnæði og tækjabúnað á hlutfallslega umhverfisvænni hátt.
Heildarlosun árið 2020 minnkaði um 32 tonn CO2 ígilda eða um 24% frá árinu 2019. Hlutfallslega mest í umfangi 3, sem er óbein losun frá virðiskeðjunni.
Covid hafði talsverð áhrif á veltu og heildarlosun árið 2020 og greinileg merki eru á milli umsvifa í rekstri og heildarlosunar.
Umhverfisskýrsla 2020 hefur verið birt á vef Garra.
Jólatilboð 2020
02. des 2020
Kæru viðskiptavinir
Í tilefni jólahátíðarinnar höfum við sett spennandi kræsingar á tilboð fyrir jólaseðilinn og önnur skemmtileg tilefni í kringum hátíðirnar 🎅
Skoðaðu tilboðið og sendu inn pöntun hér í Vefverslun Garra 👇 www.garri.is/vefverslun/kynningarsíður/jolatilbod-2020
Sendu inn pöntun hér í Vefverslun Garra eða hafðu samband við söludeild fyrir nánari upplýsingar.
Gleðilega verslunarmannahelgi og munum að við erum öll almannavarnir
28. júl 2020
Kæru viðskiptavinir
Við óskum ykkur gleðilegrar verslunarmannahelgar og vonum að þið hafið það einstaklega gott um helgina.
Undanfarna daga hafa verið að koma upp einangraðar sýkingar vegna COVID-19. Nú þegar verslunarmannahelgin nálgast er mikilægt að við bregðumst öll við og gerum allt sem við getum til að koma í veg fyrir að faraldurinn fari aftur af stað og að smitum fjölgi enn frekar.
Sérstaklega ber að minna á eftirfarandi:• Handþvott og handsprittun• Virða 2ja metra nándarregluna• Veitinga- og gististaðir fylgja leiðbeiningum um hlaðborð
Gangi ykkur vel og munum að við erum öll almannavarnir.
Við minnum á hreinlætislausnirnar okkar sem hafa reynst vel í gegnum tíðina. Frábær vörumerki og lausnir sem eru hagkvæmar og tímasparandi, og aðstoða þig með afkastameiri og hraðari þrif.
Við höfum tekið saman úrval af vörum sem virka sem vörn gegn COVID-19 í Vefverslun Garra. Einfaldlega skráðu þig inn í vefverslunina og finndu úrvalið sem hreinlætissérfræðingarnir okkar mæla með undir kynningarlistanum Sóttvarnir gegn COVID-19.
Hafðu samband við söludeild Garra ef þig vantar faglega ráðgjöf í hreinlætismálum.