Mannauður

Mannauðurinn er dýrmætasta auðlind Garra

Starfsfólk Garra hefur gildi fyrirtækisins, heiðarleika, áreiðanleika og ástríðu að leiðarljósi í öllu sínu starfi. Gildin endurspegla grundvallarviðhorf og hugmyndir sem liggja að baki fyrirtækjamenningu Garra.

Við höfum ástríðu fyrir starfi okkar, sýnum frumkvæði og metnað í starfi. Við berum virðingu gagnvart hvert öðru, erum heiðarleg og uppbyggileg í samskiptum.

Hjá Garra er öflug teymisvinna, skemmtileg og hlýleg vinnustaðamenning og heilbrigt og skapandi starfsumhverfi.

Hjá Garra er öflugt fræðslustarf og tækifæri til faglegs og persónulegs vaxtar. Markmið okkar er að efla hæfni og öryggi allra starfsmanna.

Garri býður starfsfólki sínu upp á fyrirmyndar starfsaðstöðu, veitir styrki til endurmenntunar og hvetur til heilbrigðis. Gætt er að jöfnum launum kynjanna og Garri er fjölskylduvænn og öruggur vinnustaður.

Öryggis- og umhverfismál

Garri hlaut viðurkenningu á forvarnarverðlaunum VÍS fyrir góðan árangur í öryggis- og umhverfismálum. Við erum ótrúlega stolt og glöð með að vera í þessum hópi fyrirtækja og munum halda ótrauð áfram í að vera ábyrg gagnvart samfélaginu, umhverfinu, framtíðinni og íbúum landsins.

Laus störf

Hefur þú áhuga á að starfa á skemmtilegum vinnustað með framúrskarandi starfsaðstöðu? Hér má sjá lausar stöður hjá Garra.

Fyrirtæki ársins 2026

Við leggjum mikla áherslu á að byggja upp vinnustað þar sem traust, samvinna, fagmennska og vellíðan starfsfólks eru í fyrirrúmi. Við teljum að ánægt og metnaðarfullt starfsfólk sé lykillinn að farsælli þjónustu og árangri til framtíðar.

Þessi áhersla endurspeglast í því að fyrirtækið var valið Fyrirtæki ársins 2026 í könnun VR, einni umfangsmestu vinnustaðakönnun landsins. Viðurkenningin byggir á mati starfsfólks á fjölmörgum þáttum starfsumhverfisins og er heildareinkunn reiknuð út frá viðhorfi þess til meðal annars stjórnunar, starfsanda, launakjara, vinnuskilyrða, jafnréttis, starfsánægju, sveigjanleika og tækifæra til starfsþróunar.

Fyrir okkur er þessi viðurkenning sérstaklega verðmæt þar sem hún byggir á reynslu og mati þeirra sem þekkja fyrirtækið best, starfsfólksins sjálfs. Hún staðfestir að við höfum skapað vinnustaðamenningu sem einkennist af virðingu, þátttöku og sameiginlegum metnaði til að ná árangri.

Við erum afar stolt af þessum árangri og lítum á hann sem hvatningu til að halda áfram að þróa fyrirtækið, styrkja starfsumhverfið og vera vinnustaður þar sem fólk fær tækifæri til að vaxa, njóta sín og ná árangri.