Skapandi fagfólk og gríðarlegur metnaður
miðvikudagur 1. nóv. 2023 kl. 14.26
Garri hefur haldið keppnina Eftirréttur ársins frá árinu 2010 og Konfektmoli ársins frá árinu 2017. Keppnin í ár var gríðarlega sterk og þátttaka meiri enn áður.
Faglegur undirbúningur keppenda skein í gegn þegar keppendur í Eftirréttur ársins skiluðu diskum til dómara. Sköpunargáfa, skipulag, vönduð vinnubrögð og einstakalega fallega samsettir diskar einkenndu daginn. Stemning var í salnum og mikill áhugi að fylgjast með keppendum.
Konfektmolarnir endurspegluðu fagmennsku og metnað keppenda, fallegir og spennandi molar með áhugaverðum brögðum. Margir efnilegir nemar skiluðu inn konfektmola í ár og sigraði Sunneva Kristjánsdóttir bakaranemi hjá Sandholt Konfektmola ársins.
Sigurvegari í Eftirréttur ársins 2023 er Wiktor Pálsson, í öðru sæti var Hugi Rafn Stefánsson og í þriðja sæti var Símon Kristjánsson Sullca en Símon hlaut einnig nemaverðlaun Garra.
Nemaverðlaun Garra fyrir Konfektmoli ársins hlaut Kara Sól Ísleifsdóttir.
Sigurvegari í Eftirréttur ársins og í Konfektmola ársins hlutu í verðlaun námskeið hjá Chocolate Academy Cacao Barry.
Nemaverðlaun Garra voru veitt í fyrsta skipti í ár, súkkulaðibók frá Cacao Barry og 50.000 kr. inneign hjá Garra.
Dómarar í Eftirréttur ársins voru Ólöf Ólafsdóttir, Ísak Aron Jóhannsson og Vigdís Vo.
Ólöf Ólafsdóttir sigraði keppnina Eftirréttur ársins 2021. Ólöf er Head pastry chef á Monkeys, hún er einnig partur af kokkalandsliðinu sem fer á Ólympíuleikana í febrúar 2024.
Ísak Aron Jóhannsson er matreiðslumeistari og fyrirliði íslenska kokkalandsliðsins. Ísak sigraði keppnina Eftirréttur ársins árið 2022.
Vigdís Vo er konditori og bakarameistari, hún sigraði Konfektmola ársins árið 2021.
Dómarar í Konfektmoli ársins voru Hafliði Ragnarsson súkkulaðimeistari og margverðlaunaður konfektgerðarmaður og David Ducamp pastry chef og ráðgjafi hjá Capfruit.
Við óskum keppendum innilega til hamingju með frábæran árangur.
Eftirréttur ársins
- sæti Wiktor Pálsson
- sæti Hugi Rafn Stefánsson
- sæti Símon Kristjánsson Sullca
Nemaverðlaun Garra fékk Símon Kristjansson Sullca.
Konfektmoli ársins 2023
1.sæti Sunneva Kristjánsdóttir
Nemaverðlaun Garra fékk Kara Sól Ísleifsdóttir.
Konfektmoli ársins 2023
Fleiri Fréttir
Annan í Hvítasunnu er lokað
20. maí 2026
Lokað verður í Garra mánudaginn 25. maí, annan í Hvítasunnu. Því færist dreifing á Suðurnesin frá mánudegi yfir á þriðjudag.
Nánari upplýsingar um dreifingu:
Þriðjudaginn, 26. maí og fimmtudaginn 28. maí: Dreifing á SuðurnesinMiðvikudaginn, 27. maí: Dreifing á Selfoss, Hveragerði og nágrenniFöstudaginn, 29. maí: Dreifing á Selfoss og HveragerðiVið hvetjum viðskiptavini til að gera pantanir tímanlega. Fyrir skjóta og skilvirka afgreiðslu mælum við með að nota vefverslun Garra.
Fyrirtæki ársins 2026!
15. maí 2026
Garri fékk viðurkenningu frá VR fyrir að vera eitt af “fyrirtækjum ársins” í flokki stórra fyrirtækja.
Í könnun VR á Fyrirtæki ársins er viðhorf starfsfólks til lykilþátta í starfsumhverfi vinnustaðarins metið. Könnunin er vettvangur fyrir félagsfólk til að koma skoðunum sínum á framfæri og láta stjórnendur vita af því sem vel er gert og hvað betur má gera.
Þær sýna ekki einungis hver staða fyrirtækisins er í augum starfsmanna heldur einnig hver staða þess er í samanburði við önnur fyrirtæki á vinnumarkaði.
Heildareinkunn fyrirtækja er reiknuð út frá viðhorfi starfsfólks til ólíkra þátta starfsumhverfis. Spurt er um stjórnun, launakjör, starfsanda, jafnrétti, starfsánægju, og fleira.
Þau fyrirtæki sem skara fram úr í könnuninni hljóta formlega viðurkenningu, enda ærin ástæða til að vekja athygli á frammistöðu þeirra.
Við hjá Garra erum gríðarlega stolt af þessum árangri og þeirri vegferð sem við erum á. Niðurstöðurnar gefa okkur tækifæri til að vita hvort og hvar úrbóta er þörf sem og hvetur okkur áfram að gera vel.
