Mannauður

Mannauðurinn er dýrmætasta auðlind Garra

Starfsfólk Garra hefur gildi fyrirtækisins, heiðarleika, áreiðanleika og ástríðu að leiðarljósi í öllu sínu starfi. Gildin endurspegla grundvallarviðhorf og hugmyndir sem liggja að baki fyrirtækjamenningu Garra.

Við höfum ástríðu fyrir starfi okkar, sýnum frumkvæði og metnað í starfi. Við berum virðingu gagnvart hvert öðru, erum heiðarleg og uppbyggileg í samskiptum.

Hjá Garra er öflug teymisvinna, skemmtileg og hlýleg vinnustaðamenning og heilbrigt og skapandi starfsumhverfi.

Hjá Garra er öflugt fræðslustarf og tækifæri til faglegs og persónulegs vaxtar. Markmið okkar er að efla hæfni og öryggi allra starfsmanna.

Garri býður starfsfólki sínu upp á fyrirmyndar starfsaðstöðu, veitir styrki til endurmenntunar og hvetur til heilbrigðis. Gætt er að jöfnum launum kynjanna og Garri er fjölskylduvænn og öruggur vinnustaður.

Öryggis- og umhverfismál

Garri hlaut viðurkenningu á forvarnarverðlaunum VÍS fyrir góðan árangur í öryggis- og umhverfismálum. Við erum ótrúlega stolt og glöð með að vera í þessum hópi fyrirtækja og munum halda ótrauð áfram í að vera ábyrg gagnvart samfélaginu, umhverfinu, framtíðinni og íbúum landsins.

Laus störf

Hefur þú áhuga á að starfa á skemmtilegum vinnustað með framúrskarandi starfsaðstöðu? Hér má sjá lausar stöður hjá Garra.

Fyrirmyndarfyrirtæki ársins 2025

Við hjá Garra erum afar stolt af því að vera eitt af Fyrirmyndarfyrirtækjum ársins 2025 samkvæmt niðurstöðum VR-könnunarinnar. Þessi viðurkenning endurspeglar sterkan starfsanda, trausta stjórnun og framúrskarandi vinnuaðstæður þar sem áhersla er lögð á virðingu, jafnrétti og sveigjanleika.

Við lítum á þessa viðurkenningu sem hvatningu til að halda áfram að bæta okkur. Við viljum skapa starfsumhverfi sem styður við vöxt, vellíðan og árangur og við höldum ótrauð áfram í þá átt. Þessi viðurkenning skiptir okkur miklu máli þar sem það er starfsfólkið sem leggur mat á vinnustaðinn sinn.

Í könnun VR er lagt mat á níu lykilþætti sem varða meðal annars starfsanda, upplýsingaflæði, launakjör, jafnfrétti, stjórnun og þróun í starfi. Að ná framúrskarandi árangri á þessum sviðum krefst markvissrar vinnu og virkrar þátttöku allra innan fyrirtækisins. Því er þetta jafnframt staðfesting á sameiginlegum árangri og liðsanda sem skilar sér í öflugu og heilbrigðu vinnuumhverfi.