Þjónustukönnun Garra
þriðjudagur 20. maí 2025 kl. 10.20
Næstu daga verður send þjónustukönnun til viðskiptavina Garra þar sem markmiðið er að geta greint hvað gengur vel og hvar við getum bætt okkur. Slík endurgjöf er ómetanleg þegar kemur að því að þróa betri lausnir og veita þjónustu sem mætir raunverulegum þörfum viðskiptavina.
Könnunin sem send er í tölvupósti er framkvæmd af fyrirtækinu Prósent sem leggur mikla áherslu á trúnað og örugga meðferð persónuupplýsinga. Prósent verður okkur jafnframt innan handar við að draga út þrjá heppna þátttakendur sem hljóta veglega gjafakörfu.
Það tekur um 2 til 4 mínútur að svara könnuninni og er það okkur ákaflega mikilvægt að fá sem besta svörun.
Við þökkum þér kærlega fyrir að gefa þér tíma til að svara könnuninni. Þín þátttaka skiptir máli og hjálpar okkur að gera betur fyrir þig og alla okkar viðskiptavini.
Fleiri Fréttir
Lokað 17. júní
11. jún 2026
Lokað er í Garra á þjóðhátíðardaginn 17. júní, því viljum við hvetja alla til þess að panta tímanlega.
Upplýsingar um dreifinguMánudagur, 15. júní:
Hefðbundin dreifing.
Þriðjudagur, 16. júní:
Hefðbundin dreifing, auk þess sem dreifing miðvikudags færist yfir á þennan dag (Selfoss, Hveragerði, Stokkseyri, Eyrarbakki og Þorlákshöfn)
Miðvikudagur, 17. júní:
LOKAÐ
Fimmtudagur, 18. júní og föstudagur, 19. júní:
Hefðbundin dreifing
Við hvetjum viðskiptavini til þess að gera pantanir tímanlega, fyrir skjóta og skilvirka afgreiðslu pantana mælum við með að nota vefverslun Garra.
Annan í Hvítasunnu er lokað
20. maí 2026
Lokað verður í Garra mánudaginn 25. maí, annan í Hvítasunnu. Því færist dreifing á Suðurnesin frá mánudegi yfir á þriðjudag.
Nánari upplýsingar um dreifingu:
Þriðjudaginn, 26. maí og fimmtudaginn 28. maí: Dreifing á SuðurnesinMiðvikudaginn, 27. maí: Dreifing á Selfoss, Hveragerði og nágrenniFöstudaginn, 29. maí: Dreifing á Selfoss og HveragerðiVið hvetjum viðskiptavini til að gera pantanir tímanlega. Fyrir skjóta og skilvirka afgreiðslu mælum við með að nota vefverslun Garra.
Fyrirtæki ársins 2026!
15. maí 2026
Garri fékk viðurkenningu frá VR fyrir að vera eitt af “fyrirtækjum ársins” í flokki stórra fyrirtækja.
Í könnun VR á Fyrirtæki ársins er viðhorf starfsfólks til lykilþátta í starfsumhverfi vinnustaðarins metið. Könnunin er vettvangur fyrir félagsfólk til að koma skoðunum sínum á framfæri og láta stjórnendur vita af því sem vel er gert og hvað betur má gera.
Þær sýna ekki einungis hver staða fyrirtækisins er í augum starfsmanna heldur einnig hver staða þess er í samanburði við önnur fyrirtæki á vinnumarkaði.
Heildareinkunn fyrirtækja er reiknuð út frá viðhorfi starfsfólks til ólíkra þátta starfsumhverfis. Spurt er um stjórnun, launakjör, starfsanda, jafnrétti, starfsánægju, og fleira.
Þau fyrirtæki sem skara fram úr í könnuninni hljóta formlega viðurkenningu, enda ærin ástæða til að vekja athygli á frammistöðu þeirra.
Við hjá Garra erum gríðarlega stolt af þessum árangri og þeirri vegferð sem við erum á. Niðurstöðurnar gefa okkur tækifæri til að vita hvort og hvar úrbóta er þörf sem og hvetur okkur áfram að gera vel.