Capfruit kynning með David Ducamp
mánudagur 16. okt. 2023 kl. 11.21
Sorbet, konfektmolar, eftirréttir og kokteilar
Þriðjudaginn 31.október verður David Ducamp með kynningu á Capfruit púrrum. Við fáum að smakka ýmsar útgáfur af réttum og kokteilum með púrrum.
Kynningin verður samhliða Eftirréttur ársins og Konfektmoli ársins sem verður haldin á La Primavera í Hörpu. Keppnin hefst klukkan 8 og er áætlað er að kynna úrslit klukkan 16.
Capfruit kynning Davids hefst klukkan 14:00.
Capfruit leitast eftir því að varðveita lífræna eiginleika vörunnar. Til að tryggja sjálfbæran jarðveg, eru vinnsluskrefum haldið í lágmarki.
David Ducamp hóf nám sitt 17 ára gamall hjá Gérard Mulot, mjög virtum pastry chef sem starfaði í 6. hverfi Parísar. Tveimur árum síðar var hann aðstoðarmaður hjá Guy Savoy L'Etoile de Deux Ans í 8. hverfi og síðan á veitingastaðnum Les Ambassadeurs á 'Hôtel de Crillon.
Árið 1996 vildi hann freista gæfunnar erlendis. Hann starfaði fyrst í Artopolis, síðan í Leela-höllinni í Bangalore og á Coffemania í Moskvu. Í dag starfar David sem ráðgjafi og matreiðslukennari hjá Capfruit.
David hefur einstaka reynslu og tæknikunnáttu í að útfæra brögð á skemmtilegan og spennandi hátt. Skemmtilegast finnst honum að deila þeirri reynslu með öðrum.
Vinsamlegast skráið ykkur hér!
Fleiri Fréttir
Fyrirtæki ársins 2026!
15. maí 2026
Garri fékk viðurkenningu frá VR fyrir að vera eitt af “fyrirtækjum ársins” í flokki stórra fyrirtækja.
Í könnun VR á Fyrirtæki ársins er viðhorf starfsfólks til lykilþátta í starfsumhverfi vinnustaðarins metið. Könnunin er vettvangur fyrir félagsfólk til að koma skoðunum sínum á framfæri og láta stjórnendur vita af því sem vel er gert og hvað betur má gera.
Þær sýna ekki einungis hver staða fyrirtækisins er í augum starfsmanna heldur einnig hver staða þess er í samanburði við önnur fyrirtæki á vinnumarkaði.
Heildareinkunn fyrirtækja er reiknuð út frá viðhorfi starfsfólks til ólíkra þátta starfsumhverfis. Spurt er um stjórnun, launakjör, starfsanda, jafnrétti, starfsánægju, og fleira.
Þau fyrirtæki sem skara fram úr í könnuninni hljóta formlega viðurkenningu, enda ærin ástæða til að vekja athygli á frammistöðu þeirra.
Við hjá Garra erum gríðarlega stolt af þessum árangri og þeirri vegferð sem við erum á. Niðurstöðurnar gefa okkur tækifæri til að vita hvort og hvar úrbóta er þörf sem og hvetur okkur áfram að gera vel.
Breyttir dreifingartímar vegna uppstigningardags
08. maí 2026
Uppstigningardagur, fimmtudagurinn 14.maí
Lokað er í Garra næsta fimmtudag, uppstigningardag, því viljum við hvetja alla til þess að panta tímanlega.
Upplýsingar um dreifingu.
Þriðjudagur, 12.maí: Hveragerði, Selfoss, Þorlákshöfn, Stokkseyri og Eyrarbakki
Miðvikudagur, 13. maí: Suðurnes og nágrenni
Fimmtudagur, 14. maí: LOKAÐ
Föstudagur, 15. maí: Selfoss og Hveragerði
Við hvetjum viðskiptavini til þess að gera pantanir tímanlega, fyrir skjóta og skilvirka afgreiðslu pantana mælum við með að nota vefverslun Garra.