Sköpunarkraftur, faglegur metnaður og frábært handverk
fimmtudagur 30. okt. 2025 kl. 16.26
Sköpunarkraftur, faglegur metnaður og frábært handverk
Garri hélt keppnina Eftirréttur ársins og Konfektmoli ársins þriðjudaginn 28. október á La Primavera í Hörpu. Þessar keppnir hafa fest sig í sessi sem mikilvægur hluti af sögu og þróun íslenskrar matreiðslu. Keppendur sýndu einstakan sköpunarkraft og náðu að fanga þema ársins sem var karnival á skemmtilegan hátt.
Keppnin var haldin þegar fyrsti snjór vetrarins skall á með tilheyrandi samgönguerfiðleikum. Þrátt fyrir það mættu keppendur glaðir, ákveðnir og tilbúnir að sýna sitt besta, sem þeir gerðu svo sannarlega.
Dómarar voru sammála um að keppnin heldur áfram að vaxa og hafi verið einstaklega glæsileg í ár, þar sem lítið bar á milli í toppsætunum fimm.
Það vakti einnig gleði að sjá hversu margir nemendur tóku þátt, en þeir voru yfir helmingur keppenda í ár, fullir af metnaði, nýjum hugmyndum og eldmóði.
Skylduhráefni fyrir Eftirréttur ársins & Konfektmoli ársins eru þrjú
- Cacao Barry Lactée Supérieure 38% – Mjólkursúkkulaði sem er einstaklega fjölhæft í notkun.
- Capfruit Fruit Purée d’Ananas - Frosið ananasmauk sem inniheldur engin aukaefni, hvorki litar- né bragðefni, aðeins hreinan, náttúrulegan ávöxt. Bjartur litur og sætt bragð.
- NOROHY Vanilla Beans Paste - Úr hreinum vanillubaunum frá Madagaskar. Djúpt, ilmandi bragð. Engin aukefni eða bragðbætiefni.
Mynd til hægri: Andrés Björgvinsson 1.sæti í eftirréttur ársins 2025
Við óskum keppendum innilega til hamingju með frábæran árangur.
Sigurvegari í Eftirréttur ársins árið 2025
1.sæti Andrés Björgvinsson
2.sæti Marlís Jóna Þórunn Karlsdóttir sem jafnframt fékk nemaverðlaun Garra
3.sæti Gunnar Georg Gray
Sigurvegari í Konfektmoli ársins 2025
1.sæti Vigdís Mi Diem Vo
2.sæti Bianca Tiantian Zhang
3.sæti Filip Jan Jozefik
Nemaverðlaun Garra fyrir Konfektmola ársins er Ísabella Karlsdóttir.
Sigurvegarar í Eftirréttur ársins og Konfektmola ársins hlutu í verðlaun námskeið hjá Cacao Barry og í nemaverðlaun er vegleg útttekt hjá Garra. Cacoa Barry hefur áratuga reynslu af því að vinna úr bestu kakóbaunum heims og er þekkt fyrir að sameina hefðbundna súkkulaðigerð við nýjustu tækni. Markmið Cacao Barry er að veita fagfólki hráefni sem gerir þeim kleift að skapa einstaka og skapandi matarupplifun. Cacao Barry leggur áherslu á sjálfbæra ræktun og vinnur náið með bændum um allan heim til að styðja við sjálfbæra ræktun, auka lífsgæði kakóbænda og tryggja rekjanleika vörunnar.
Mynd til hægri Vigdís Vo 1.sæti í konfektmoli ársins
Fleiri Fréttir
Lokað 17. júní
11. jún 2026
Lokað er í Garra á þjóðhátíðardaginn 17. júní, því viljum við hvetja alla til þess að panta tímanlega.
Upplýsingar um dreifinguMánudagur, 15. júní:
Hefðbundin dreifing.
Þriðjudagur, 16. júní:
Hefðbundin dreifing, auk þess sem dreifing miðvikudags færist yfir á þennan dag (Selfoss, Hveragerði, Stokkseyri, Eyrarbakki og Þorlákshöfn)
Miðvikudagur, 17. júní:
LOKAÐ
Fimmtudagur, 18. júní og föstudagur, 19. júní:
Hefðbundin dreifing
Við hvetjum viðskiptavini til þess að gera pantanir tímanlega, fyrir skjóta og skilvirka afgreiðslu pantana mælum við með að nota vefverslun Garra.
Annan í Hvítasunnu er lokað
20. maí 2026
Lokað verður í Garra mánudaginn 25. maí, annan í Hvítasunnu. Því færist dreifing á Suðurnesin frá mánudegi yfir á þriðjudag.
Nánari upplýsingar um dreifingu:
Þriðjudaginn, 26. maí og fimmtudaginn 28. maí: Dreifing á SuðurnesinMiðvikudaginn, 27. maí: Dreifing á Selfoss, Hveragerði og nágrenniFöstudaginn, 29. maí: Dreifing á Selfoss og HveragerðiVið hvetjum viðskiptavini til að gera pantanir tímanlega. Fyrir skjóta og skilvirka afgreiðslu mælum við með að nota vefverslun Garra.
Fyrirtæki ársins 2026!
15. maí 2026
Garri fékk viðurkenningu frá VR fyrir að vera eitt af “fyrirtækjum ársins” í flokki stórra fyrirtækja.
Í könnun VR á Fyrirtæki ársins er viðhorf starfsfólks til lykilþátta í starfsumhverfi vinnustaðarins metið. Könnunin er vettvangur fyrir félagsfólk til að koma skoðunum sínum á framfæri og láta stjórnendur vita af því sem vel er gert og hvað betur má gera.
Þær sýna ekki einungis hver staða fyrirtækisins er í augum starfsmanna heldur einnig hver staða þess er í samanburði við önnur fyrirtæki á vinnumarkaði.
Heildareinkunn fyrirtækja er reiknuð út frá viðhorfi starfsfólks til ólíkra þátta starfsumhverfis. Spurt er um stjórnun, launakjör, starfsanda, jafnrétti, starfsánægju, og fleira.
Þau fyrirtæki sem skara fram úr í könnuninni hljóta formlega viðurkenningu, enda ærin ástæða til að vekja athygli á frammistöðu þeirra.
Við hjá Garra erum gríðarlega stolt af þessum árangri og þeirri vegferð sem við erum á. Niðurstöðurnar gefa okkur tækifæri til að vita hvort og hvar úrbóta er þörf sem og hvetur okkur áfram að gera vel.