Ráðstafanir og öryggisaðgerðir vegna COVID-19 kórónuveirunnar
þriðjudagur 17. mars 2020 kl. 16.14
Ágæti viðskiptavinur.
Í kjölfar þess ástands sem skapast hefur vegna COVID-19 veirunnar hefur verið gripið til ýmissa ráðstafana hjá Garra til að tryggja að þjónustustig fyrirtækisins raskist ekki og að öryggi viðskiptavina, starfsfólks og fjölskyldna þeirra sé tryggt eins og kostur er.
● Lokað hefur verið fyrir alla utanaðkomandi umferð í vöruhúsi og skrifstofu Garra. Eingöngu starfsfólk Garra má koma inn í húsið. Viðskiptavinum er bent á að panta vörur í Vefverslun Garra eða í síma 5 700 300.
● Enginn beinn samgangur er á milli starfsfólks vöruhúss, bílstjóra og skrifstofu.
● Í öllum deildum fyrirtækisins er lögð mikil áhersla á handþvott, sótthreinsun, almennt hreinlæti og umgengnisreglur samkvæmt tilmælum Landlæknisembættisins.
● Sérstakar þrifaáætlanir hafa verið virkjaðar fyrir vöruhús, skrifstofu og sendibíla fyrirtækisins.
● Umgengnisreglur í mötuneyti hafa verið hertar. Allur matur er skammtaður og fáir starfsmenn borða í einu. Búið er að dreifa úr borðum og lágmarksfjarlægð milli manna er tryggð. Allir starfsmenn þrífa og sótthreinsa sín borð og stóla eftir matarhlé.
● Starfsfólk vöruhússins vinnur á vöktum.
● Öll vinnutæki starfsfólks svo sem handtölvur, týnslutæki, lyklaborð og snertiskjáir eru þrifin og sótthreinsuð reglulega.
● Bílstjórar klæðast einnota hönskum í hvert skipti sem vöruafhending fer fram og setja upp nýja hanska á hverjum komustað. Handspritt er í öllum bílum.
● Bílstjórar sjá alfarið um að kvitta á reikninga í viðurvist móttakanda og afhenda vöruna. Viðskiptavinir kvitta ekki á nótur.
● Lokað hefur verið á heimsóknir söluráðgjafa til viðskiptavina.
● Fundir hafa verið takmarkaðir og ekki haldnir nema brýn nauðsyn er til. Farið að tilmælum landlæknisembættisins um fjarlægð á milli fundarmanna. Notast er við Workplace og annan samskiptabúnað við fundarhöld ef þörf þykir.
Á þessum skrýtnu tímum breytast aðstæður hratt. Farið er yfir öll mál og áhættuatriði daglega. Samstarf starfsfólks Garra og viðskiptavina fyrirtækisins er einstakt, við metum það mikils og kappkostum að halda öllum upplýstum um leið og breytingar verða á þessu fyrirkomulagi.
Bestu kveðjur,
fyrir hönd starfsfólks Garra
Magnús R. Magnússon framkvæmdastjóri
Fleiri Fréttir
Breyttir opnunar- og dreifingartímar vegna árshátíðar hjá Garra
14. sep 2026
Vegna árshátíðar hjá Garra verða breytingar á opnunar- og dreifingartímum dagana 25. til 28. september.
Starfsemi í vöruhúsi og dreifinguVöruhús og dreifing verður opin fyrir pantanir sem koma í gegnum vefverslun, enn við biðlum til viðskiptavina að gera pöntun snemma í næstu viku, þar sem við verðum fáliðuð þessa daga.
Skrifstofa og þjónustuborðSkrifstofa og þjónustuborð verða lokuð frá 25. september til 28. september.
Við hvetjum viðskiptavini til að gera pantanir tímanlega. Til að tryggja skjóta og skilvirka afgreiðslu pantana mælum við með að nota vefverslun Garra.
Með fyrirfram þökk fyrir skilning og góða aðstoð, starfsfólk Garra.
Mögulegar tafir á afhendingum miðvikudaginn 12. ágúst
07. ágú 2026
Vegna almyrkvans miðvikudaginn 12. ágúst er búist við mjög miklu umferðarálagi víða um land. Af þeim sökum geta orðið tafir á afhendingu sendinga til ákveðinna áfangastaða þann dag.
Við hvetjum viðskiptavini sem hafa tök á því að skipuleggja pantanir og sendingar með hliðsjón af þessum aðstæðum. Jafnframt biðjumst við velvirðingar á þeim óþægindum sem hugsanlegar tafir kunna að valda.
Til að tryggja skjóta og örugga afgreiðslu bendum við á vefverslun Garra