Ráðstafanir og öryggisaðgerðir vegna COVID-19 kórónuveirunnar
Tafir

Ráðstafanir og öryggisaðgerðir vegna COVID-19 kórónuveirunnar

þriðjudagur 17. mars 2020 kl. 16.14
Fréttir garra
covid

Ágæti viðskiptavinur.

Í kjölfar þess ástands sem skapast hefur vegna COVID-19 veirunnar hefur verið gripið til ýmissa ráðstafana hjá Garra til að tryggja að þjónustustig fyrirtækisins raskist ekki og að öryggi viðskiptavina, starfsfólks og fjölskyldna þeirra sé tryggt eins og kostur er.

● Lokað hefur verið fyrir alla utanaðkomandi umferð í vöruhúsi og skrifstofu Garra. Eingöngu starfsfólk Garra má koma inn í húsið. Viðskiptavinum er bent á að panta vörur í Vefverslun Garra eða í síma 5 700 300.

● Enginn beinn samgangur er á milli starfsfólks vöruhúss, bílstjóra og skrifstofu.

● Í öllum deildum fyrirtækisins er lögð mikil áhersla á handþvott, sótthreinsun, almennt hreinlæti og umgengnisreglur samkvæmt tilmælum Landlæknisembættisins.

● Sérstakar þrifaáætlanir hafa verið virkjaðar fyrir vöruhús, skrifstofu og sendibíla fyrirtækisins.

● Umgengnisreglur í mötuneyti hafa verið hertar. Allur matur er skammtaður og fáir starfsmenn borða í einu. Búið er að dreifa úr borðum og lágmarksfjarlægð milli manna er tryggð. Allir starfsmenn þrífa og sótthreinsa sín borð og stóla eftir matarhlé.

● Starfsfólk vöruhússins vinnur á vöktum.

● Öll vinnutæki starfsfólks svo sem handtölvur, týnslutæki, lyklaborð og snertiskjáir eru þrifin og sótthreinsuð reglulega.

● Bílstjórar klæðast einnota hönskum í hvert skipti sem vöruafhending fer fram og setja upp nýja hanska á hverjum komustað. Handspritt er í öllum bílum.

● Bílstjórar sjá alfarið um að kvitta á reikninga í viðurvist móttakanda og afhenda vöruna. Viðskiptavinir kvitta ekki á nótur.

● Lokað hefur verið á heimsóknir söluráðgjafa til viðskiptavina.

● Fundir hafa verið takmarkaðir og ekki haldnir nema brýn nauðsyn er til. Farið að tilmælum landlæknisembættisins um fjarlægð á milli fundarmanna. Notast er við Workplace og annan samskiptabúnað við fundarhöld ef þörf þykir.

Á þessum skrýtnu tímum breytast aðstæður hratt. Farið er yfir öll mál og áhættuatriði daglega. Samstarf starfsfólks Garra og viðskiptavina fyrirtækisins er einstakt, við metum það mikils og kappkostum að halda öllum upplýstum um leið og breytingar verða á þessu fyrirkomulagi.

Bestu kveðjur,

fyrir hönd starfsfólks Garra

Magnús R. Magnússon framkvæmdastjóri

Fleiri Fréttir

Umhverfisskýrsla Garra 2020

Fréttir garra
14. júl 2021

Frá því að Garri hóf að mæla kolefnispor félagsins árið 2015 hefur umtalsverður árangur náðst í umhverfismálum.

Garri vinnur markvisst að því að lágmarka neikvæð umhverfisáhrif félagsins með hagkvæmni í rekstri, endurnýtingu og endurvinnslu.

Gríðarlegur árangur hefur náðst eftir að Garri flutti Hádegismóa í lok árs 2017, en nýtt húsnæði, vélar og tæki í Garra nýta sér orkusparandi lausnir.

Þær lausnir hafa gert Garra kleift að reka mun stærra húsnæði og tækjabúnað á hlutfallslega umhverfisvænni hátt.

Heildarlosun árið 2020 minnkaði um 32 tonn CO2 ígilda eða um 24% frá árinu 2019. Hlutfallslega mest í umfangi 3, sem er óbein losun frá virðiskeðjunni.

Covid hafði talsverð áhrif á veltu og heildarlosun árið 2020 og greinileg merki eru á milli umsvifa í rekstri og heildarlosunar.

Umhverfisskýrsla 2020 hefur verið birt á vef Garra.

Lesa nánar

Jólatilboð 2020

Fréttir garra
02. des 2020

Kæru viðskiptavinir

Í tilefni jólahátíðarinnar höfum við sett spennandi kræsingar á tilboð fyrir jólaseðilinn og önnur skemmtileg tilefni í kringum hátíðirnar 🎅 

Skoðaðu tilboðið og sendu inn pöntun hér í Vefverslun Garra 👇 www.garri.is/vefverslun/kynningarsíður/jolatilbod-2020

Sendu inn pöntun hér í Vefverslun Garra eða hafðu samband við söludeild fyrir nánari upplýsingar.

Lesa nánar

Gleðilega verslunarmannahelgi og munum að við erum öll almannavarnir

Fréttir garra
28. júl 2020

Kæru viðskiptavinir

Við óskum ykkur gleðilegrar verslunarmannahelgar og vonum að þið hafið það einstaklega gott um helgina.

Undanfarna daga hafa verið að koma upp einangraðar sýkingar vegna COVID-19. Nú þegar verslunarmannahelgin nálgast er mikilægt að við bregðumst öll við og gerum allt sem við getum til að koma í veg fyrir að faraldurinn fari aftur af stað og að smitum fjölgi enn frekar.

Sérstaklega ber að minna á eftirfarandi:• Handþvott og handsprittun• Virða 2ja metra nándarregluna• Veitinga- og gististaðir fylgja leiðbeiningum um hlaðborð

Gangi ykkur vel og munum að við erum öll almannavarnir.

Við minnum á hreinlætislausnirnar okkar sem hafa reynst vel í gegnum tíðina. Frábær vörumerki og lausnir sem eru hagkvæmar og tímasparandi, og aðstoða þig með afkastameiri og hraðari þrif.

Við höfum tekið saman úrval af vörum sem virka sem vörn gegn COVID-19 í Vefverslun Garra. Einfaldlega skráðu þig inn í vefverslunina og finndu úrvalið sem hreinlætissérfræðingarnir okkar mæla með undir kynningarlistanum Sóttvarnir gegn COVID-19.

Hafðu samband við söludeild Garra ef þig vantar faglega ráðgjöf í hreinlætismálum.

Lesa nánar