Skráning: Eftirréttur Ársins og Konfektmoli Ársins 2023
þriðjudagur 5. sept. 2023 kl. 12.41
Garri hefur haldið keppnina Eftirréttur ársins frá árinu 2010 og Konfektmoli ársins frá árinu 2017. Keppnin í ár verður haldinn þriðjudaginn 31.október á La Primavera í Hörpu.
Keppnisrétt hafa þeir sem lokið hafa sveinsprófi í matreiðslu, konditori og bakaraiðn eða eru á nemasamning í fyrrnefndum greinum. Undantekningartilvik frá ofan nefndu verða metin sérstaklega.
Þema ársins er skandinavískt haust
Eftirfarandi hráefni eru skylduhráefni:
- Cacao Barry; Zephyr™ 34% - einstaklega mjúkt, sætt hvítt súkkulaði sem hefur mjúka áferð og mikið mjólkurbragð.
- CapFruit jarðarberja- eða hindberjapúrra.
- Jakobsen, hunang.
Notkun á súkkulaði, púrrum og hunangi frá öðrum framleiðendum er ekki leyfileg í keppninni.
Keppendur í Eftirréttur ársins koma með allt tilbúið á keppnisstað. Fjórum eftirréttum er skilað á diskum. Ekkert hráefni er fáanlegt á keppnisstað. Hver keppandi hefur 20 mínútur til að setja eftirréttinn á diska. Keppendur koma með öll áhöld sjálfir, en kælir og frystir eru á staðnum.
Keppendur í Konfektmoli ársins skila á keppnisstað 15 tilbúnum molum í sömu tegund. Þrír molar fara í smakk en 12 molar fara í myndatöku og uppstillingu. Skilatími er milli kl. 10 og 14 þann 31.október.
Nánari upplýsingar fyrir Eftirréttur Ársins.
Nánari upplýsingar fyrir Konfektmoli Ársins.
Skráning í Eftirréttur ársins: Það er uppbókað í Eftirrétt ársins enn við hvetjum alla til að senda póst á hulda@garri.is og við setjum þig biðlista.
Skráning í Konfektmoli ársins: Lokað er fyrir skráningu.
Grunnhráefnispakki til æfinga fylgir skráningu og greiðslu á 5.000 kr. staðfestingargjaldi. Gjaldið endurgreiðist þeim sem mæta samkvæmt tímaplani á keppnisstað.
Staðfestingargjald er greitt inn á reikning: 0301-26-000817. kt. 670892-2129.
Skráningarfrestur er til 20. október 2023.
Nánari upplýsingar veitir Hulda í síma 858-0333 eða hulda@garri.is
Gangi ykkur vel!
Fleiri Fréttir
Lokað 17. júní
11. jún 2026
Lokað er í Garra á þjóðhátíðardaginn 17. júní, því viljum við hvetja alla til þess að panta tímanlega.
Upplýsingar um dreifinguMánudagur, 15. júní:
Hefðbundin dreifing.
Þriðjudagur, 16. júní:
Hefðbundin dreifing, auk þess sem dreifing miðvikudags færist yfir á þennan dag (Selfoss, Hveragerði, Stokkseyri, Eyrarbakki og Þorlákshöfn)
Miðvikudagur, 17. júní:
LOKAÐ
Fimmtudagur, 18. júní og föstudagur, 19. júní:
Hefðbundin dreifing
Við hvetjum viðskiptavini til þess að gera pantanir tímanlega, fyrir skjóta og skilvirka afgreiðslu pantana mælum við með að nota vefverslun Garra.
Annan í Hvítasunnu er lokað
20. maí 2026
Lokað verður í Garra mánudaginn 25. maí, annan í Hvítasunnu. Því færist dreifing á Suðurnesin frá mánudegi yfir á þriðjudag.
Nánari upplýsingar um dreifingu:
Þriðjudaginn, 26. maí og fimmtudaginn 28. maí: Dreifing á SuðurnesinMiðvikudaginn, 27. maí: Dreifing á Selfoss, Hveragerði og nágrenniFöstudaginn, 29. maí: Dreifing á Selfoss og HveragerðiVið hvetjum viðskiptavini til að gera pantanir tímanlega. Fyrir skjóta og skilvirka afgreiðslu mælum við með að nota vefverslun Garra.
Fyrirtæki ársins 2026!
15. maí 2026
Garri fékk viðurkenningu frá VR fyrir að vera eitt af “fyrirtækjum ársins” í flokki stórra fyrirtækja.
Í könnun VR á Fyrirtæki ársins er viðhorf starfsfólks til lykilþátta í starfsumhverfi vinnustaðarins metið. Könnunin er vettvangur fyrir félagsfólk til að koma skoðunum sínum á framfæri og láta stjórnendur vita af því sem vel er gert og hvað betur má gera.
Þær sýna ekki einungis hver staða fyrirtækisins er í augum starfsmanna heldur einnig hver staða þess er í samanburði við önnur fyrirtæki á vinnumarkaði.
Heildareinkunn fyrirtækja er reiknuð út frá viðhorfi starfsfólks til ólíkra þátta starfsumhverfis. Spurt er um stjórnun, launakjör, starfsanda, jafnrétti, starfsánægju, og fleira.
Þau fyrirtæki sem skara fram úr í könnuninni hljóta formlega viðurkenningu, enda ærin ástæða til að vekja athygli á frammistöðu þeirra.
Við hjá Garra erum gríðarlega stolt af þessum árangri og þeirri vegferð sem við erum á. Niðurstöðurnar gefa okkur tækifæri til að vita hvort og hvar úrbóta er þörf sem og hvetur okkur áfram að gera vel.