Skráning: Eftirréttur Ársins og Konfektmoli Ársins 2025
þriðjudagur 2. sept. 2025 kl. 09.01
Garri heldur keppnina Eftirréttur ársins og Konfektmoli ársins þriðjudaginn 28. október á La Primavera í Hörpu og skráning er hafin.
Eftirréttur ársins og Konfektmoli ársins: Í fyrstu verðlaun er eftirréttanámskeið hjá Cacao Barry í Evrópu. Vinningshafi getur sótt námskeið til 30. júní árið 2026.
Nemaverðlaun: 50.000 kr. úttekt hjá Garra.
Keppnisrétt hafa þau sem lokið hafa sveinsprófi í matreiðslu, konditori og bakaraiðn eða eru á nemasamningi í fyrrnefndum greinum. Undantekningartilvik eru metin sérstaklega.
Þema ársins er karnival
Skylduhráefni fyrir Eftirréttur ársins & Konfektmoli ársins eru þrjú
- Cacao Barry Lactée Supérieure 38% – Mjólkursúkkulaði sem er einstaklega fjölhæft í notkun.
- Capfruit Fruit Purée d’Ananas - Frosið ananasmauk sem inniheldur engin aukaefni, hvorki litar- né bragðefni, aðeins hreinan, náttúrulegan ávöxt. Bjartur litur og sætt bragð.
- NOROHY Vanilla Beans Paste - Úr hreinum vanillubaunum frá Madagaskar. Djúpt, ilmandi bragð. Engin aukefni eða bragðbætiefni.
Notkun á súkkulaði, púrrum og vanillu frá öðrum framleiðendum er ekki leyfileg í keppninni.
Skráning: Lokað er fyrir skráningu í Eftirréttur ársins enn velkomið að setja á biðlista með því að senda póst á hulda@garri.is
Skráning: Konfektmoli ársins 2025
Grunnhráefnispakki til æfinga fylgir skráningu og greiðslu á 5.000 kr. staðfestingargjaldi. Gjaldið endurgreiðist þeim sem mæta samkvæmt tímaplani á keppnisstað. Staðfestingargjald skal leggja inn á reikning: 0301-26-000817; kt. 670892-2129.
Skráningarfrestur er til og með 20. október 2025.
Nánari upplýsingar og vægi matsatriða fyrir Eftirréttur ársins
Nánari upplýsingar og vægi matsatriða fyrir Konfektmoli ársins
Nánari upplýsingar veitir Hulda í síma 858-0333 eða hulda@garri.is
Gangi ykkur vel!
Fleiri Fréttir
Annan í Hvítasunnu er lokað
20. maí 2026
Lokað verður í Garra mánudaginn 25. maí, annan í Hvítasunnu. Því færist dreifing á Suðurnesin frá mánudegi yfir á þriðjudag.
Nánari upplýsingar um dreifingu:
Þriðjudaginn, 26. maí og fimmtudaginn 28. maí: Dreifing á SuðurnesinMiðvikudaginn, 27. maí: Dreifing á Selfoss, Hveragerði og nágrenniFöstudaginn, 29. maí: Dreifing á Selfoss og HveragerðiVið hvetjum viðskiptavini til að gera pantanir tímanlega. Fyrir skjóta og skilvirka afgreiðslu mælum við með að nota vefverslun Garra.
Fyrirtæki ársins 2026!
15. maí 2026
Garri fékk viðurkenningu frá VR fyrir að vera eitt af “fyrirtækjum ársins” í flokki stórra fyrirtækja.
Í könnun VR á Fyrirtæki ársins er viðhorf starfsfólks til lykilþátta í starfsumhverfi vinnustaðarins metið. Könnunin er vettvangur fyrir félagsfólk til að koma skoðunum sínum á framfæri og láta stjórnendur vita af því sem vel er gert og hvað betur má gera.
Þær sýna ekki einungis hver staða fyrirtækisins er í augum starfsmanna heldur einnig hver staða þess er í samanburði við önnur fyrirtæki á vinnumarkaði.
Heildareinkunn fyrirtækja er reiknuð út frá viðhorfi starfsfólks til ólíkra þátta starfsumhverfis. Spurt er um stjórnun, launakjör, starfsanda, jafnrétti, starfsánægju, og fleira.
Þau fyrirtæki sem skara fram úr í könnuninni hljóta formlega viðurkenningu, enda ærin ástæða til að vekja athygli á frammistöðu þeirra.
Við hjá Garra erum gríðarlega stolt af þessum árangri og þeirri vegferð sem við erum á. Niðurstöðurnar gefa okkur tækifæri til að vita hvort og hvar úrbóta er þörf sem og hvetur okkur áfram að gera vel.
